“Azəriqaz” ASC bəzi əməkdaşları rəsmi istirahət elan edilən bayram günlərində işlədilərək əmək haqları ödənilməməsi məsələsinə aydınlıq gətirib. ASC-nin ictimaiyyətlə əlaqə şöbəsinin rəisi Araz Ağayev Modern.az-a bildirib ki, ay tamam olmadığından işçilərin əməkhaqları verilməyib: “Ay hələ tamam olmadığından işçilərin maaşları verilməyib. Əməkhaqları isə ayın əvvəlində ödənilir. Bizdə işləyənlərin özləri də bilirlər ki, ay bitəndən sonra maaş ödənilir. Əmək Məcəlləsinin 164-cü maddəsində də göstərilib ki, rəsmi istirahət elan edilən bayram günlərində işləyənlərə əlavə əməkhaqqı ödənilməlidir. Bayramdan isə hələ bir-iki gün keçib. Belə bir müraciətin edilməsi düzgün deyil”.
