Bakı şəhərinin Nizami rayonu ərazisində, Qara Qarayev metrosunun yaxınlığında sərnişin avtobusu aşıb. Bakı şəhər Təcili və Təxirəsalınmaz Tibbi Yardım Stansiyasından Trend-ə bildirilib ki, hadisə nəticəsində 6 nəfər xəsarət alıb. Ancaq bundan çox sərnişinin xəsarət aldığı da güman edilir.
Hadisə yerinə göndərilmiş briqada 6 nəfərə ilkin tibbi yardım göstərərək, onları xəstəxanalara yerləşdirib. Onların 4-ü qadın, 2-i kişi olub.
Zərərçəkənlərin vəziyyətləri müxtəlif cür qiymətləndirilib. Stansiyadan bildirilib ki, onlar arasında vəziyyəti ağır və yüngül olanlar da var.
Qəza ilə bağlı məlumatı Nizami Rayon Polis İdarəsində təsdiqləyiblər. Bildirilib ki, hadisə ilə bağlı araşdırma aparılır.
Modern.az
