Xətai rayonunda baş verən yanğın söndürülüb.
Modern.az xəbər verir ki, bu barədə Fövqəladə Hallar Nazirliyi məlumat verib.
Bundan əlavə, Ədliyyə Nazirliyi Bakı şəhəri Xətai rayonunda yerləşən icra şöbəsinin inzibati binasında yanğın olmasına dair xəbərlərə münasibət bildirib. Nazirliyin mətbuat xidmətindən verilən məlumata görə, yanğın nazirliyin qurumunun binasında deyil, qonşuluqdakı çay evində baş verib.
***
21:44
Fövqəladə Hallar Nazirliyinin (FHN) “112” qaynar telefon xəttinə Bakı şəhəri, Xətai rayonu, M.Hadi küçəsində yanğın olması barədə məlumat daxil olub.
Modern.az FHN-ə istinadən xəbər verir ki, məlumatla əlaqədar FHN-in Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunub.
Əlavə məlumat veriləcək.
