Türkiyənin İstanbul şəhərində metrobusların toqquşması nəticəsində xəsarət alanların sayı artıb.
Modern.az "Anadolu" agentliyinə istinadən xəbər verir ki, qəza nəticəsində xəsarət alanların sayı 99 nəfərə çatıb.
Hadisə yerinə təcili yardım, xilasedicilər və polis əməkdaşları cəlb olunub.
***
21:58
Türkiyənin İstanbul şəhərində 4 metrobus toqquşub.
Modern.az xəbər verir ki, bu barədə "Anadolu" agentliyi məlumat yayıb.
Avcılar ərazisində baş verən qəza nəticəsində 89 nəfər yaralanıb. Qəza səbəbindən metrobusların hərəkəti dayandırılıb.
Hadisənin ilkin səbəbləri barədə məlumat verilməyib. Faktla əlaqədar araşdırma aparılır.
Akif İsmayılov
