Azərbaycanın xaricdəki diplomatik korpuslarında yeni vəzifə təsis edilib. Aprelin 5-də Milli Məclisdə bununla bağlı "Diplomatik xidmət haqqında" qanuna dəyişikliklər edilib.
Milli Məclisin plenar iclasında qanun layihəsi barədə Beynəlxalq münasibətlər və parlamentlərarası əlaqələr komitəsinin sədri Səməd Seyidov məlumat verib.
Qanun layihəsində Azərbaycanın xaricdəki diplomatik nümayəndəliklərində səfir müavini vəzifəsinin yaradılmasını, səfir müavininin baş konsulun statusu ilə eyniləşdirilməsini nəzərdə tutur. Eyni zamanda, səfir müavini, daimi nümayəndənin müavini və baş konsul təyin edilmiş şəxslər üçün xaricdə fasiləsiz iş müddəti 4 il müddətində müəyyənləşdirilir.
Modern.az
