«Azərbaycanın inkişafı bəzi güvvələri qıcıqlandırır və narahat edir. Bütün dünyada hər hansı bir ölkəyə qarşı təxribat işləri cinayət kimi qəbul edilir». Bu fikirləri Milli Məclisin Beynəlxalq münasibətlər və parlamentlərarası əlaqələr komitəsinin sədr müavini Sevinc Fətəliyeva Amerikanın Milli Demokratiya İnsitutunun (MDİ) Azərbaycandakı fəaliyyəti ilə bağlı suala cavab verərkən səsləndirib. MDİ Baki ofısinin fəaliyyətindən danışan millət vəkili hesab edir ki, MDİ-nin Azərabaycanın qanunvericiliyinə uyğun olması dərin araşdırmalıdır.
Beynəlxalq təşkilatların Azərbaycandakı ofislərinin bağlanmasına dair sualı da cavablandıran millət vəkili Sevinc Fətəliyeva bildirib ki, Azərbayanın 21 il müstəqillik dövrü zamanı öz fəaliyyəti nəticəsində bir çox beynəlxalq təşkilatklara üzv olub, dünya arenasında öz yerini tutub:
«Azərbaycan bu əlaqələrə böyük əhəmiyyət verir və inkişaf edir. ATƏT-in Bakı Ofisi ilə bağlı məsələyə gəlincə, onun bağlanması deyil, yalnız statusun azalmasından söhbət gedə bilər».
Şahanə Rəhimli
