Rusiyada iki aktyor bədbəxt hadisənin qurbanı olub.
Modern.az xəbər verir ki, bu barədə Rusiyanın Daxili İşlər Nazirliyi məlumat yayıb.
Nazirlikdən bildirilib ki, mərkəzi dairənin Yekaterinburq-Serov yolunun 289-cu kilometrliyində Krasnoturinsk kukla teatrının truppasının olduğu PAZ markalı avtobus yük maşını ilə toqquşub. Nəticədə iki aktrisa dünyasını dəyişib. Onların 35 və 37 yaşlarının olduğu vurğulanır.
Həlak olan şəxslərin adları açıqlanmayıb.
21 yaşlı daha bir aktyor isə təcili tibbi yardım maşını ilə xəstəxanaya yerləşdirilib. Onun vəziyyətinin ağır olduğu bildirilir.
