Mətbuatda Mayis Gülalıyevin həmsədr olduğu Yaşıllar Partiyasının mətbuat xidmətinə istinadən “Ədalət”in “Yaşıllar”la birgə Siyasi Blok yaratdığı barədə informasiyalar yayılıb. Doğrudanmı belə bir blok yaradılıb?
Ədalət Partiyası sədrinin təşkilati məsələlər üzrə müavini Ayaz Əfəndiyev informasiyanı təsdiqləyib: “Yaşıllar Partiyası ilə siyasi blokun formalaşdırılması ətrafında danışıqlar çoxdan gedirdi. Bir müddət əvvəl Blokun Əsasnaməsi və Proqramı qəbul edilmişdi. Amma ona münasib ad seçməkdə çətinlik yaranmışdı. Artıq bu da dəqiqləşdirilib. Uzun müzakirələrdən sonra onun "Vətən" adlandırılması barədə aramızda razılıq əldə olunub. İnşallah, aprel ayının sonlarına "Vətən" Siyasi Blokunun təqdimat mərasimini keçirməyi planlaşdırırıq”.
