"Uşaqların müdafiəsi ilə əlaqədar müxtəlif səpkidə problemlər daxil olur".
Modern.az xəbər verir ki, bunu jurnalistlərə açıqlamasında Bakı Şəhəri üzrə Təhsil İdarəsinin müdiri Mehriban Vəliyeva deyib.
Onun sözlərinə görə, İdarənin tabeliyində xüsusi hallarla bağlı komissiya fəaliyyət göstərir:
"Həmin komissiyanın üzvləri yerlərdə baş verən halları araşdırmaq üçün dərhal göndərilir. Həmin məsələlər çeşidlənərək müəyyən istiqamətlərə yönləndirilir. Aidiyyəti təşkilatlarla əməkdaşlıq edərək uşaqların müdafiəsinə qalxıb maksimum dərəcədə çalışırıq ki, onları ailədə, məktəbdə, eləcə də cəmiyyətdə olan problemlərdən xilas edə bilək".
