Rusiya Prezidenti Vladimir Putin Türkiyənin Bartın əyalətində baş verən faciə ilə əlaqədar prezident Rəcəb Tayyib Ərdoğana başsağlığı verib.
Modern.az Rusiya KİV-lərinə istinadən xəbər verir ki, bu barədə Kremlin mətbuat xidməti məlumat yayıb.
"Bartın əyalətindəki kömür mədənində baş vermiş qəzanın faciəvi nəticələri ilə əlaqədar dərin hüznlə başsağlığımı qəbul edin. Həlak olan şaxtaçıların ailələrinə və yaxınlarına səmimi başsağlığı və dəstək sözlərimi çatdırın”, - deyə məlumatda bildirilib.
Xatırladaq ki, bu gecə Türkiyənin Bartın şəhərindəki mədəndə partlayış baş verib. Hadisə nəticəsində 28 nəfər ölüb, 11 yaralının isə müalicəsi davam edir.
