"Bizim üçün təhsil vacibdir, ona görə də təhsil xərcləri hər il artırılır".
Modern.az xəbər verir ki, bunu maliyyə naziri Samir Şərifov Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında “Azərbaycan Respublikasının 2023-cü il dövlət büdcəsi haqqında” qanun layihəsinin müzakirəsi zamanı deyib.
"Ayrılan vəsait təhsil keyfiyyətinin yaxşılaşdırılmasına, müəllimlərin məvaciblərinin verilməsinə və s. sərf olunur. Amma burada deyilir ki, təhsil üçün niyə bu qədər vəsait artırılır. Bu qanun böyük əməyin məhsuludur, ona görə ayrılan vəsaitləri tələblərə uyğun müəyyənləşdiririk", - deyə nazir vurğulayıb.
