Azərbaycan Milli Elmlər Akademiyasının nəzdində universitet və gimnaziya yaradıla bilər. Modern.az-ın məlumatına görə, bu sözləri AMEA-nın yeni prezidenti Akif Əlizadə deyib. O bu fikirləri akademyanın tərkibində magistraturanın yaradılması haqqında danışarkən bildirib.
«Bunlar hələ gələcəyin işidir. Bu məsələlər hələ öyrənilməli, təhlil edilməli, daha sonra tədricən həyata keçirilməlidir».
AMEA-nın prezidenti gənclərin elmə gəlməsindən də danışıb.
«Əgər gənclər elmə gəlməsə, elmi məktəb bərpa olunmasa, çətin ki, elmimiz inkişaf etsin. Biz gənc elmi kadrların hazırlanmasına diqqətlə yanaşmalıyıq».
Aytən Əliyeva
