Aprelin 29-dan etibarən Hacıqabul-Bəhramtəpə avtomobil yolunda hərəkət 16 gün müddətinə tam məhdudlaşdırılıb. Bu, asfalt-beton örtüyün salınması ilə əlaqədardır. Yolun 10-cu km-dən 40-cı km-nə qədər olan hissədə hərəkət dayandırılıb.
Bu barədə «APA-Economics»ə Azərbaycan Nəqliyyat Nazirliyi «Azəryolservis» ASC-nin mətbuat xidmətinin rəhbəri Pünhan Mürsəliyev bildirib.
Onun sözlərinə görə, sözügedən istiqamətdə hərəkət edən vətəndaşlar alternativ yol kimi Sabirabad-Surra-Padar, Kür körpüsündən keçməklə Sabirabad-Şirvan və digər yollardan istifadə edə bilərlər.
Modern.az
