Mərakeş millisi dünya çempionatının yarımfinalına yüksəlib.
Modern.az xəbər verir ki, mundialın favoritlərindən sayılan Portuqaliya yığmasını 1:0 hesabı ilə məğlub edən Mərakeş komandası tarixində ilk dəfə dünya çempionatının yarımfinal mərhələsinə vəsiqə qazanıb. Bununla da Portuqaliya turnirlə vidalaşmalı olub.
Qeyd edək ki, görüşdə yeganə qolu 42-ci dəqiqədə Yussuf En-Nesiri vurub.
***
Dünya çempionatında Mərakeş və Portuqaliya yığmaları arasında 1/4 final oyununda ilk hissə başa çatıb.
Modern.az xəbər verir ki, Afrika təmsilçisi fasiləyə minimal hesablı üstünlüklə yollanıb.
Matçın ilk hissəsində yeganə qolu 42-ci dəqiqədə Yussuf En-Nesiri vurub.
***
19:02
Dünya çempionatında Mərakeş və Portuqaliya yığmaları arasında 1/4 final oyunu başlayıb.
Modern.az xəbər verir ki, qarşılaşma Bakı vaxtı ilə saat 19:00-da start götürüb.
***
17:45
Qətərdə keçirilən dünya çempionatının 1/4 final mərhələsində qarşılaşacaq Mərakeş və Portuqaliya yığmalarının start heyətləri açıqlanıb.
Modern.az-ın məlumatına görə, komandalar meydana aşağıdakı “11-lik”lərlə çıxacaqlar.
Mərakeş: Yassin Bunu, Romen Saiss, Əşrəf Hakimi, Cavad El Yamiq, Sofyan Amrabat, Azeddin Unai, Sekin Amallah, Sofyan Bufal, Yussuf En-Nesiri, Hakim Ziyeş, Yahia Attiyat Allah
Portuqaliya: Dioqu Koşta, Pepe, Dioqu Dalot, Ruben Diaş, Rafael Gerreyru, Ruben Neves, Bernardu Silva, Otavio Monteyro, Brunu Fernandeş, Qonsalu Ramuş, Joau Feliks
Qeyd edək ki, qarşılaşma Bakı vaxtı ilə saat 19:00-da başlayacaq.
