Azərbaycanın mərhum prezidenti Heydər Əliyevin anadan olmasının 90-cı ildönümü və Gül bayramı ilə əlaqədar paytaxtın bir sıra küçə və prospektlərində nəqliyyatın hərəkəti məhdudlaşdırılacaq.
Bakı şəhər Baş Polis İdarəsindən verilən məlumata görə, mayın 10-u saat səhər 8:00-dan etibarən M.Müşfiq küçəsinin kəsişməsindən Parlament prospekti ilə Fəxri xiyaban istiqamətində avtomobillərin hərəkətinə məhdudiyyətlər qoyulacaq.
İdarə əhalidən tədbir iştirakçılarının təhlükəsizliyini təmin etmək məqsədilə bu istiqamətlərdə şəxsi nəqliyyat vasitələrinin parklandırılmasının mümkünsüzlüyünü nəzərə alaraq, şəxsıinəqliyyat vasitələrindən mümkün qədər az istifadə etmələrini xahiş edir.
Həmçinin bildirib ki, mayın 10-da Şəmsi Bədəlbəyli küçəsinin Bülbül prospekti ilə kəsişməsindən Rəşid Behbudov küçəsinin kəsişməsinə qədər avtomobillərin hərəkətinə tam məhdudiyyət qoyularaq istiqamət dəyişdiriləcək.
Modern.az
