Bu gün Xalq rəssamı, akademik Ömər Eldarov 95 illik yubileyini qeyd edir.
Modern.az-ın məlumatına görə, bu münasibətlə sənətkarın rəhbərlik etdiyi Azərbaycan Dövlət Rəssamlıq Akademiyasında tədbir keçirilib.
Təhsil ocağına gələnlər Ö. Eldarovu alqışlar və doğum günü mahnısı ilə qarşılayıblar. Heykəltaraşı təbrik edənlər arasında Prezidentin köməkçisi Anar Ələkbərov da olub.
Bunu əks etdirən görüntüləri fotoqraf Orxan Aslanov instaqram hesabında paylaşıb.
Qeyd edək ki, ötən gün Prezident İlham Əliyev Ömər Eldarovu 1-ci dərəcəli “Əmək” ordeni ilə təltif edib.
