Rusiyanın Federasiya Şurasının vitse-spikeri Konstantin Kosaçev ABŞ-ın Ukraynaya "Patriot" tədarükü barədə məlumatlara münasibət bildirib.
Modern.az TASS-a istinadən xəbər verir ki, spiker müavini bu addımın atılacağı təqdirdə Rusiyanın mövqeyinin necə olacağını açıqlayıb.
"Ukrayna ərazilərində ABŞ "Patriot"larının quraşdırılmasına biz ABŞ-ın münaqişəyə birbaşa cəlb edilməsi addımı kimi baxa bilərik. Bunu yoxlamaq lazım deyil", - deyə Kosaçev söyləyib.
Qeyd edək ki, ABŞ Ukraynaya 1,85 milyard dollar dəyərində yeni hərbi yardım paketini elan edib. Patriot HHM sistemlərinin də bu paketdə yer alması gözlənilir.
