Sabirabadda yol qəzası baş verib.
Modern.az xəbər verir ki, hadisə rayonun Nərimankənd kəndi ərazisində qeydə alınıb.
Məlumata görə, bu gün səhər saatlarında “Mercedes” markalı minik maşını və “Toyota” markalı avtomobil toqquşub. Hadisə nəticəsində Bakı şəhər sakinləri Abbasova Nailə Rəhim qızı və Abbasova Könül Arzu qızı müxtəlif dərəcəli xəsarətlər alıblar.
Yaralılar Sabirabad Rayon Mərkəzi Xəstəxanasına yerləşdirilib.
Faktla bağlı araşdırma aparılır.
