“Hazırda güclü yağış və leysanın Qubaya vurduğu ziyan araşdırılır, hesablanır”. Bu sözləri Modern.az saytına açıqlamasında Qubadan seçilmiş deputat Vahid Əhmədov deyib. O qeyd edib ki, çaylarda sululuğun artması nəticəsində rayona müəyyən qədər ziyan dəyib.
Ekologiya və Təbii Sərvətlər Nazirliyinin Milli Hidrometeorologiya Departamentinin verdiyi məlumata görə, ölkə ərazisində bəzi yerlərdə yağan yağışlar nəticəsində Quba-Xaçmaz bölgəsi çaylarında suyun səviyyəsində 3-23 sm artım müşahidə olunub. Hazırda Böyük Qafqazın Quba-Xaçmaz bölgəsi çaylarında sululuq ongünlük normanın 80-120 faizini təşkil edir.
Aytən ƏLİYEVA
