Gürcüstanın hakim "Gürcü Arzusu" Partiyasının deputatı Qiya Volski həbsdə olan eks-prezident Mixail Saakaşvilinin səhhətindən danışıb.
Modern.az "Sputnik Georgia"ya istinadən xəbər verir ki, deputat Saakaşvilinin səhhətindəki problemlər barədə deyilənləri yalan hesab edib.
"Bu, fırıldaqdır, bəsit simulyasiyadır. Bir gün deyirlər ki, guya ağır xəstədir. Ertəsi gün onun uzun yazısı dərc olunur. Belə şey necə ola bilər?", - deyə Volski bildirib.
Qeyd edək ki, 2021-ci ilin oktyabrından bəri həbsdə olan Saakaşvili dəfələrlə aclıq aksiyası keçirib. Onun səhhətində ağır problemlər var.
