Avropa ölkələri arasında Ukraynaya 80 ədəd "Leopard" tankı göndərilməsi barədə razılıq əldə olunub.
Modern.az xəbər verir ki, bu barədə Almaniyanın "Spiegel" nəşri məlumat yayıb.
Bildirilib ki, bunun üçün Avropa ölkələri arasında koalisiya formalaşdırılıb. Tank tədarükü 2 partiya şəklində həyata keçiriləcək.
İlk partiyada Almaniya, Finlandiya, İspaniya və Niderland 40 ədəd "Leopard 2A6" markalı tankları Kiyevə təhvil verəcək. İkinci partiyanı isə Polşa və Norveç təmin edəcək ki, bu partiyada 40 ədəd "Leopard 2A4" tankı yer alacaq.
Həmçinin ABŞ-ın 30 ədəd "M1 ABRAMS" tankı ilə 3-cü partiyanı təşkil edəcəyi əlavə edilib.
Qeyd edək ki, bu gün çoxsaylı tənqidlərdən sonra Almaniya Nazirlər Kabineti Ukraynaya 14 ədəd "Leopard"ın tədarükü ilə bağlı qərar qəbul edib.
