"İnsan təbiətindən pisliyi tamamilə silmək mümkün deyil. Bununla belə, insan təbiətinin işıqlı tərəfinin qalib gələcəyini söz və əməllə təmin etmək bizim səlahiyyətimizdədir".
Modern.az xəbər verir ki, bunu Ukrayna prezidenti Volodimir Zelenski rəsmi "Telegram" kanalında yazıb.
"Sizin və bizim paylaşdığımız tərəf məhz budur. Və bu, hər şeydən üstündür", - deyə o əlavə edib.
Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.
