Ermənistan xarici işlər naziri Ararat Mirzoyan Suriyaya səfər edəcək.
Modern.az "Sputnik Armenia"ya istinadən xəbər verir ki, bunu Ermənistan baş naziri Nikol Paşinyan hökumətin iclasında deyib.
"Hazırda onun zəlzələdən zərər çəkmiş Suriyaya səfəri hazırlanır. Bu, Suriya tərəfi ilə razılaşdırılır. Diasporla iş üzrə baş komissar Zare Sinanyan da Suriyaya səfər edəcək. Rəsmilər zəlzələdən zərər çəkən insanların daha nəyə ehtiyacı olduğunu başa düşməlidirlər. Biz Hələbə humanitar yardım göndərən ilk ölkələrdən olduq", - deyə Ermənistan baş naziri söyləyib.
