Türkiyənin Kahramanmaraş bölgəsində baş vermiş zəlzələ zamanı dağıntılar altında qalan daha bir nəfər xilas edilib.
Modern.az xəbər verir ki, bu barədə "TRT Haber" məlumat yayıb.
Bildirilir ki, zəlzələnin 248-ci saatında gənc qız yaşayış binasının dağıntıları altından sağ çıxarılıb. 17 yaşlı Aleyna Ölmezə ilkin tibbi yardım göstərilib və xəstəxanaya yerləşdirilib.
Xatırladaq ki, fevralın 6-da yerli vaxtla saat 4:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ baş verib. Zəlzələ ciddi dağıntılara səbəb olub. Təbii fəlakət zamanı 36 mindən çox insan həyatını itirib.
Akif İsmayılov
