Elm və Təhsil Nazirliyinin tabeliyində may ayında iki agentliyin yaradılmasını planlaşdırırıq.
Modern.az xəbər verir ki, bu barədə elm və təhsil naziri Emin Əmrullayev media nümayəndələri üçün keçirdiyi brifində deyib.
O bildirib ki, artıq işlərin böyük qismi geridə qalıb:
"Hüquqi normativlə bağlı müvafiq əsasnamələr hazırlanıb və müvafiq qurumlara göndərilib. Bəzi dəyişikliklər elm və təhsil haqqında qanuna dəyişiklik edilməsini tələb edir. Düşünürəm ki, bu, bir neçə ay davam edəcək. Ümumilikdə agentliklərin may ayında yaradılmasını planlaşdırırıq. Artıq növbəti tədris ilinin hazırlıqlarını Elm və Təhsil Nazirliyi yox, Agentliklər edəcək”.
