Türkiyədə baş verən zəlzələlər ölkə iqtisadiyyatına 34.2 milyard dollar ziyan vurub.
Modern.az xəbər verir ki, bu barədə Dünya Bankının Türkiyə üzrə direktoru Humberto Lopez məlumat verib.
O qeyd edib ki, dəyən ziyan Türkiyədə ÜDM-nin 4%-nə bərabərdir.
Bundan əvvəl dağıdıcı zəlzələnin ölkəyə 100 milyard dollar ziyan vurduğu bildirilirdi.
Xatırladaq ki, fevralın 6-da yerli vaxtla saat 04:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ baş verib. Dərinliyi 7 kilometr olan zəlzələ 10 vilayətdə ciddi dağıntılara səbəb olub. Zəlzələdən zərər çəkmiş 10 vilayətdə üç ay müddətinə fövqəladə vəziyyət rejimi elan olunub. Fevralın 20-də isə Hatay vilayətində 6.4 ballıq növbəti zəlzələ qeydə alınıb.
