Ermənistanın baş naziri Nikol Paşinyan ölkəsinin BMT-yə üzv olmasının 31-ci ildönümü ilə bağlı diplomatlara müraciət edib.
Modern.az "Sputnik Armenia"ya istinadən xəbər verir ki, o, diplomatik korpusun nümayəndələrinə Ermənistanın dövlət maraqlarını qorumağı, ölkənin beynəlxalq nüfuzunu artırmağı tapşırıb.
Paşinyan Ermənistan xarici siyasətinin prioritetlərini açıqlayıb. Onun sözlərinə görə, suverenliyi qorumaq, iqtisadi əlaqələri gücləndirmək diplomatiyanın əsas vəzifələrini təşkil edir.
Qeyd edək ki, Ermənistan 2 mart 1992-ci ildə BMT-yə üzv olub.
