Modern.az

“Qarabağ” avrokuboklara vəsiqəni təmin etdi

“Qarabağ” avrokuboklara vəsiqəni təmin etdi

13 Mart 2023, 12:13

Futbol üzrə Azərbaycan Premyer Liqasında mükafatçılardan biri dəqiqləşib. XXVI turda “Səbail”i 3:0 hesabı ilə məğlub edən “Qarabağ” xal hesabını 68-ə çatdıraraq ilk üçlükdə yerini təmin edib. Bununla da Qurban Qurbanovun yetirmələri həm medallardan birini, həm də avrokuboklara vəsiqəni əldə edib.

 

Modern.az Peşəkar Futbol Liqasına istinadla xəbər verir ki, bu, “Qarabağ”ın tarixində Azərbaycan çempionatındakı 17-ci mükafatdır. Ağdam təmsilçisi aktivində 9 qızıl, 4 gümüş və 3 bürünc medal var.

 

“Qarabağ” 1993-cü, 2013-2014-cü, 2014-2015-ci, 2015-2016-cı, 2016-2017-ci, 2017-2018-ci, 2018-2019-cu, 2019-2020-ci və 2021-2022-ci il mövsümlərində çempion olub. Bölgə təmsilçisi 1993-1994-cü, 1996-1997-ci, 2012-2013-cü və 2020-2021-ci il mövsümlərində gümüş medal qazanıb. 2003-2004-cü, 2009-2010-cu və 2010-2011-ci il mövsümlərində də üçlükdə yer alan “Qarabağ” bürünc mükafatla kifayətlənib.

 

Qeyd edək ki, medal sayında “Qarabağ” yalnız “Neftçi”dən geridədir. Bakı təmsilçisinin 20 mükafatı var.

Instagram
Gündəmdən xəbəriniz olsun!
Keçid et
Əliyev Putinlə görüşə gedir