Rusiya Müdafiə Nazirliyi Qara dəniz üzərində baş verən insidentlə bağlı açıqlama yayıb.
Modern.az xəbər verir ki, Nazirlik ABŞ-a məxsus pilotsuz uçuş aparatına qarşı hava-desant silahlarından istifadə edilməsini təkzib edib.
Açıqlamada iddia edilir ki, Krım bölgəsindəki Rusiya "sərhədi" istiqamətində ABŞ PUA-sının uçuşu qeydə alınıb və buna cavab olaraq Rusiya qırıcıları havaya qaldırılıb.
"Kəskin manevr nəticəsində ABŞ-a məxsus pilotsuz uçuş aparatı yüksəklik itkisi ilə nəzarətsiz uçuşa keçid edib və su səthi ilə toqquşub. Rusiya qırıcıları hava-desant silahlarından istifadə etməyib, pilotsuz uçuş aparatı ilə təmasda olmayıb və aerodroma sağ-salamat qayıdıblar", - Nazirlik qeyd edib.
CNN-in məlumatına görə, Rusiyanın iki Su-27 təyyarəsi Qara dəniz üzərində "Reaper" pilotsuz uçuş aparatının qarşısını kəsib. Qırıcılar PUA-nın üzərinə yanacaq tökərək pərvanəsini zədələyib, nəticədə aparat qəzaya uğrayıb.
