Bu gün yol qəzası nəticəsində ölən televiziya prodüseri, rejissor Oqtay Əliyevin nəşi ailəsinə təhvil verilib.
Modern.az xəbər verir ki, onun nəşi sabah Mehdiabadda babasının yanında dəfn ediləcək.
Qeyd edək ki, hadisə bu gün axşam saatlarında Abşeron rayonu ərazisində baş verib. O.Əliyevin idarə etdiyi “Toyota Lexus” markalı avtomobil yolun hərəkət hissəsindən çıxaraq aşıb. Hadisə nəticəsində avtomobildə olan Xalq artisti Mehriban Zəki yaralanıb, əməkdar artist, tanınmış aktrisa Dilarə Əliyeva isə yüngül xəsarətlər alıb.