Əfqanıstanın paytaxtı Kabil şəhərində kamikadze hücumu ilə partlayış törədilib.
Modern.az xəbər verir ki, bu barədə "Reuters" agentliyi yerli rəsmilərə istinadən məlumat yayıb.
Ölkənin Xarici İşlər Nazirliyi binasının yaxınlığında baş verən partlayış zamanı 6 nəfər həlak olub. Partlayış nəticəsində bir neçə nəfərin yaralandığı bildirilir.
Hücuma görə məsuliyyəti hələlik heç bir qruplaşma öz üzərinə götürməyib.
