ABŞ Ukraynaya 2,6 milyard dollar dəyərində yeni hərbi yardım paketi ayıracaq.
Modern.az xəbər verir ki, bu barədə "Reuters" agentliyi öz mənbələrinə istinadən məlumat yayıb.
Yeni hərbi yardım paketi aprelin 3-də rəsmi olaraq elan ediləcək.
Bildirilib ki, 2,1 milyard dollar ABŞ-ın müdafiə şirkətlərindən alınmasına istifadə ediləcək. Qalan 500 milyon dollarlıq sursat ABŞ-ın hazırkı ehtiyatlarından Kiyevə göndəriləcək.
Yardıma Ukrayna tank əleyhinə mərmilər, dəqiq idarə olunan aviasiya sursatları, ponton avadanlıqları, ağır texnikaya xidmət üçün bərpa maşınları, mərmilər daxil olacaq.
Qeyd edək ki, 2021-ci ilin yanvarından Vaşinqton Ukraynanın “təhlükəsizliyini təmin etmək” üçün 32,8 milyard dollardan çox vəsait ayırıb.
