“Hələ hakimiyyət mərhum prezident Əbülfəz Elçibəyin yubileyinin dövlət səviyyəsində qeyd olunması ilə bağlı bizə heç bir məlumat verməyib”. Bunu Modern.az-a açıqlamasında eks-prezident Əbülfəz Elçibəyin qardaşı Almurad Əliyev deyib. Onun sözlərinə görə, dövlətə yubiley tədbiri ilə bağlı müraciət etsələr də, hələlik bu barədə bir söz deməyiblər.
Xatırladaq ki, Azərbaycanın eks-prezidenti Əbülfəz Elçibəy (Əliyev) 1938-ci il iyunun 24–də Ordubadın Kələki kəndində anadan olub. Azərbaycanda milli azadlıq hərəkatına rəhbərlik etmiş Elçibəy Azərbaycan Xalq Cəbhəsinin sədri olub. 1992-ci ilin iyunun 7-də keçirilən prezident seçkilərində yüksək səs toplayaraq Azərbaycanın prezidenti seçilib. 1993-cü ilin iyun qiyamın zamanı hakimiyyətdən devrilib. Mərhum keçmiş prezident 2000-ci ilin avqustun 22-də Türkiyənin paytaxtı Ankarada vəfat edib və Bakıda, Fəxri Xiyabanda dəfn olunub.
Aqşin Kərimov
