“Azərbaycanda ikili vətəndaşlıq məsələsi öz həllini tapmasa da, 800 minə qədər Azərbaycan vətəndaşı xarici, əsasən Rusiya pasportuna malikdir”. Bunu Modern.az-a deyən Miqrasiya Mərkəzinin rəhbəri Əlövsət Əliyevin sözlərinə görə, “Vətəndaşlıq haqqında” qanun da Azərbaycan vətəndaşlığına qəbul olunan şəxsdən əvvəl vətəndaşı olduğu ölkənin vətəndaşlığından çıxmağı tələb etmir.
“Amma ikili vətəndaşlıq məsələləri qanunla tənzimlənməlidir. Bu baxımdan ikili vətəndaşlığın qəbul olunması normaldır. Məsələn, Azərbaycan ən azından Gürcüstan azərbaycanlılarına münasibətdə ikili vətəndaşlığı qəbul edərsə, bu normal olar. Gürcüstan azərbaycanlıları həm Azərbaycanın əmək bazarına daxil olar, həm də Azərbaycan vətəndaşı ola bilərlər. Bu da onların problemini birdəfəlik həll edər. O cümlədən Rusiya və başqa ölkələrdə yaşayan Azərbaycan vətəndaşlarının həmin ölkələrin siyasi həyatında normal fəaliyyəti təmin edilər”.
