Modern.az xəbər verir ki, Bu gün Beynəlxalq Mətbuat Mərkəzində “Hicab məhbusları”nın ailələrinin təşkilatçılığı ilə dindarların pozulmuş hüquqları və problemin həlli yollarına dair konfrans keçirilib. Konfransda hicab məhbuslarının ailə üzvləri ilə yanaşı, ölkənin aktiv ictimai fəaliyyətdə olan xanımları, QHT nümayəndələri, hüquq müdafiəçiləri, media mənsubları iştirak ediblər.
Tədbirdə çıxış edən “hicab məhbusları”nın ailə üzvləri ölkədə insan hüquqlarının bir parçası olan vətəndaşların inanclarına uyğun yaşaya bilmək haqqında mövcud vəziyyətdən ətraflı bəhs edib və bu sahədə müşahidə olunan problemlərin təfsilatını veriblər. Mövzu ilə bağlı fikirlərini bildirən konfrans iştirakçıları Azərbaycanın inanclı xanımlarının qarşılaşdığı problemlərini müxtəlif aspektlərdən dəyərləndirərək fikir və təkliflərini irəli sürüblər. Azərbaycanda insan hüquqlarının tərkib hissəsi kimi, xüsusən hicablı xanımlara qarşı ayrı-seçkilik edilməsi, dini dəyərlərə, tolerantlığa, düzgün olmayan münasibətindən olduğunu bildiriblər.
Elçin MURAD
