"Elabe" sosioloji xidmətlər mərkəzi fransızların Emmanuel Makronun hökuməti tərəfindən irəli sürülən qalmaqallı pensiya islahatına münasibətini öyrənmək üçün sorğu keçirib.
Modern.az xəbər verir ki, bu barədə BDM telekanalı məlumat yayıb.
Tədqiqat 22-24 aprel tarixlərində aparılıb və yaşı 18-dən yuxarı olan minə yaxın respondent iştirak edib.
Sorğunun nəticələrinə görə, respondentlərin 69%-i hesab edir ki, Makronun 2022-ci ildə ikinci müddətə yenidən prezident seçilməsi ölkəyə mənfi təsir göstərib.
Sorğu iştirakçılarından Fransa prezidentinə münasibətini ifadə etmək üçün istifadə etdikləri sözləri seçmək istənilib. Respondentlərin 44%-i “razılaşmamaq”, 42%-i “məyusluq”, 39%-i “qəzəb”, 26%-i “düşmənçilik”, 22%-i isə “laqeydlik” sözlərindən istifadə edib.
