Ali təhsil müəssisələrinin magistraturalarına ixtisaslaşma seçiminə başlanıb. Tələbə Qəbulu üzrə Dövlət Komissiyasının mətbuat xidmətindən Modern.az-a verilən məlumata görə, bu gündən başlanan ixtisas seçimi internet vasitəsilə aparılacaq.
Bildirilib ki, müsabiqəyə yalnız ixtisaslaşma seçimini edib təsdiqləyən bakalavrlar buraxılacaqlar.
İxtisas seçimi iyunun 30-dək davam etdiriləcək.
Qeyd edək ki, magistraturaya qəbul imtahanları ilə bağlı TQDK-da Apelyasiya komissiyası yaradılıb. Bakalavrlar Apelyasiya komissiyasına iyunun 27-də və 28-də yalnız şəxsən şəxsiyyət vəsiqələrini təqdim etməklə müraciət edə bilərlər.
Modern.az
