Azərbaycan Silahlı Qüvvələrinin dünənki paradı Ermənistanda ciddi rezonans doğurub. Modern.az erməni KİV-lərinə istinadən bildirir ki, 28 iyunda Ermənistan Hava Hücumundan müdafiə qüvvələrinin, aviasiya texnikasının nümayişi keçiriləcək.
Bu barədə Ermənistan Müdafiə Nazirliyinin mətbuat xidmətinin rəhbəri Arçun Hovannisyan “Novosti-Armenii” agentliyinin əməkdaşına açıqlamasında bildirib.
“Sabah səhər 09:00-da “Erebuni” aerodromunda Ermənistanın Hərbi-Hava Qüvvələrinin yaradılmasının 21 illiyi münasibətilə hərbi aviasiyanın nümunəvi çıxışları və Ermənistan Hava Hücumundan Müdafiə Qüvvələrinin, aviasiya texnikasının nümayişi olacaq”-deyə Hovannisyan fikirlərini tamamlayıb.
Bu gün səhərdən İrəvan səmasında hərbi vertolyotlar dövr eləyirlər. MN keçiriləcək bayram tədbirilə əlaqədar son məşqlərin keçirildiyini bildirib.
V.İsmayılov
