Türkiyənin Hatay vilayətində baş verən qəzada həlak olanların sayı 12-yə çatıb.
Modern.az xəbər verir ki, bu barədə Türkiyənin səhiyyə naziri Fahrettin Koca "Twitter" hesabında yazıb.
O qeyd edib ki, zəncirvari qəzada 31 nəfər yaralanıb, onlardan 3-nün vəziyyəti ağırdır.
***
Türkiyənin Hatay vilayətində ağır yol-nəqliyyat qəzası baş verib.
Modern.az TRT-yə istinadən xəbər verir ki, qəza zamanı evakuatorla toqquşan yük maşını qarşı zolağa keçərək 11 avtomobilə çırpılıb.
Qəzadan sonra yük maşınında baş verən yanğın söndürülüb. Hadisə nəticəsində 6 nəfər həyatını itirib, 32 nəfər yaralanıb.
Əraziyə xilasedicilər və tibb işçiləri cəlb edilib.