Mayın 9-da Moskvanın Qızıl Meydanında keçiriləcək Qələbə Paradında Rusiya Silahlı Qüvvələrinin və hüquq-mühafizə orqanlarının 40-dan çox hərbi orkestrləri iştirak edəcək.
Modern.az TASS-a istinadən xəbər verir ki, bu barədə “Spasskaya Başnya” beynəlxalq hərbi musiqi festivalının təşkilat komitəsindən bildirilib.
Tədbir zamanı ümumilikdə 30-dan çox musiqi ifa olunacaq. Onlardan bəziləri 24 iyun 1945-ci ildə Qələbə Paradında səslənən musiqilərdir.
Məsələn, Semyon Çernetskinin "Parad" marşı, Yuli Xaitin "Təyyarəçilər marşı" və iki köhnə marş olan "Qəhrəman" və "Qaliblərin zəfəri" səslənəcək.
Qeyd edək ki, 9 mayda Moskvada keçiriləcək parada xarici ölkə liderlərindən yalnız Qırğızıstan prezidenti Sadır Japarov qatılacaq.
