ABŞ Azərbaycan Prezidenti İlham Əliyev və Ermənistanın Baş naziri Nikol Paşinyanın Brüsseldə Avropa İttifaqı Şurasının sədri Şarl Mişellə görüşəcəyi barədə xəbəri alqışlayır.
Modern.az xəbər verir ki, bu barədə ABŞ Dövlət Departamentinin Avropa və Avrasiya Məsələləri üzrə Bürosunun tviter paylaşımında bildirilib.
“Azərbaycan Prezidenti İlham Əliyevin və Ermənistanın Baş naziri Nikol Paşinyanın mayın 14-də Brüsseldə Avropa İttifaqı Şurasının sədri Şarl Mişellə görüşəcəkləri ilə bağlı xəbəri alqışlayırıq. Vaşinqtondakı danışıqlardan sonra bu görüş gələcək irəliləyiş üçün zəmin yaradacaq”, - paylaşımda vurğulanıb.
We welcome the announcement that @presidentaz and @NikolPashinyan will meet in Brussels with @CharlesMichel on May 14. This is an important opportunity to build on forward momentum following talks in D.C.
— DoS Europe and Eurasia (@StateEUR) May 8, 2023
Qeyd edək ki, Avropa İttifaqı Şurası Ermənistan və Azərbaycan liderlərinin həftəsonu Brüsseldə görüşəcəyi barədə məlumatı təsdiqləyib. Bildirilib ki, üçtərəfli görüş 2023-cü il mayın 14-də baş tutacaq.
