Azərbaycan və Ermənistan xarici işlər nazirləri mayın 19-da Rusiyanın paytaxtı Moskvada görüşəcək.
Modern.az xəbər verir ki, bu barədə Ermənistan xarici işlər nazirinin müavini Mnatsakan Səfəryan bildirib.
Onun sözlərinə görə, sülh sazişinin mətni danışıqlar masasındadır.
Qeyd edək ki, Azərbaycan və Ermənistanın xarici işlər nazirləri Ceyhun Bayramovla Ararat Mirzoyan yenidən bir araya gələcəklər. Nazirlərin növbəti görüşü Rusiyada keçiriləcək.
Nazirlərin Moskva görüşünün tarixi barədə ilk xəbəri Modern.az saytı yayıb.
