Fransa Ukrayna ordusunun qırıcı pilotlarına təlim keçməyə hazırdır.
Modern.az xəbər verir ki, bu barədə Fransa prezidenti Emmanuel Makron TF1-ə müsahibəsində deyib.
"Biz pilotların hazırlığı üçün qapını bir neçə digər Avropa ölkəsi ilə açmışıq, onlar da buna hazırdırlar. Düşünürəm ki, amerikalılarla danışıqlar aparılır", - o qeyd edib.
Ukraynaya döyüş təyyarələrinin tədarükü ilə bağlı sualı cavablandıran Makron bildirib ki, səfəri zamanı Zelenski ilə bu məsələni müzakirə etməyib: “Mən təyyarələrdən danışmamışam, raketlərdən, pilot hazırlığından danışmışam”.
Qeyd edək ki, dünən Ukrayna Prezidenti Volodimir Zelenski Parisə səfər edib və burada Makronla görüşüb.
