“Mənim rəqibim ancaq hakimiyyətdir. İndiki iqtidardan başqa bizim rəqibimiz yoxdur”. Bunu Modern.az saytına açıqlamasında Ümid Partiyasının prezidentliyə namizədi, millət vəkili İqbal Ağazadə Rüstəm İbrahimbəyovun Milli Şuranın vahid namizədi kimi statusunu şərh edərkən bildirib.
İ.Ağazadə R. İbrahimbəyovu seçki kampaniyasında rəqib olaraq dəyərləndirməkdən imtina edib.
Partiya sədrinin Milli Şuranın vahid namizədlə iştirak etməsi ilə bağlı məsələyə münasibəti birmənalı olmayıb: “Mən nə deyə bilərəm? Bir təşkilat və ya qurum yığışıb öz içindən bir nəfəri namizəd seçib. Lap yaxşı!”-deyə qeyd edib.
Xatırladaq ki, Milli Şuranın ikinci sessiyasında vahid namizəd məsələsi həll olunub. Bununla da aparıcı müxalifət partiyalarının da dəstəyi ilə Rüstəm İbrahimbəyov Milli Şuranın vahid namizədi olub.
Aqşin KƏRİMOV
