Ukrayna Prezidenti Volodimir Zelenski Moldovaya səfərə yollanıb.
Modern.az xəbər verir ki, bu barədə o, özü məlumat yayıb.
Zelenski Kişineu yaxınlığındakı Mimi qalasında keçiriləcək Avropa Siyasi Birliyinin sammitində iştirak edəcək. Onun Avropa liderlərinin sammitininə qatılacağı əvvəlcədən açıqlanmamışdı.
"Çoxlu ikitərəfli görüşlər. Qırıcı koalisiyasını inkişaf etdiririk və “Patriotlar” koalisiyasını təklif edirik. Avropa İttifaqı, NATO, sülh formulu. Hamısı gələcəyimizi qorumaq üçündür", - Zelenski bildirib.
Qeyd edək ki, sammitdə Azərbaycan Prezidenti İlham Əliyev də iştirak edəcək. Dövlət başçısı mayın 31-də Kişineuya səfər edib və Moldova Prezidenti Maya Sandu, Baş nazir Dorin Reçan ilə görüşüb.
