"Ermənistan-Azərbaycan sərhədinin delimitasiyası üçün hansı xəritədən istifadə ediləcəyi ilə bağlı yekun razılaşma yoxdur".
Modern.az "Sputnik Armenia"ya istinadən xəbər verir ki, bunu Ermənistan XİN rəhbəri Ararat Mirzoyan 2022-ci il büdcəsinin icrasının müzakirəsi zamanı bildirib.
"Amma bu işlərin ötən ilin oktyabrında Praqa görüşündə tərəflərin razılaşdığı Alma-Ata Bəyannaməsinə uyğun olaraq aparılması öhdəlikləri var və bildiyimə görə, Kişineuda Azərbaycan Prezidenti 1975-ci ilin xəritələrinin istifadəsinə etiraz etməyib”, - o qeyd edib.
