(İçsəs)
Qorxu – mənəviyyatsız duyğudur.
***
Qorxuda insan öz mahiyyətindən ayrılır, mənliyini itirir – mənəviyyatsızlaşır.
***
İnsanın bütün cinayətləri qorxu mənəviyyatsızlığından yaranır.
***
Qorxudan törəməyən hansısa cinayət – yoxdur.
***
Mənəviyyata xidmət edən qorxu – yoxdur.
***
Bütün qorxular insanın mənəviyyatsızlığına xidmət edir.
***
Qorxunun kökündə insanın özünə və başqalarına inamsızlığı durur.
***
Özünə inanmayan – başqasından qorxur, başqasına inanmayan – özünə ondan təhlükə duyur.
***
İnam – qorxunun ölümüdür.
***
İdeala inam – ondan qorxmağı gərəksizləşdirir.
***
İdeala inamın məqsədi – ali mənəviyyata yetmək, ona layiq olmaq, ideallaşmaqdır.
***
İdealdan qorxmaq – ona inanmamaqdır.
***
İdealdan qorxu – idealın dərk olunmamasıdır.
***
İdealın dərkində bütün qorxular yoxa çıxır.
***
Qorxu – qorxulan qarşısında özünü anlamsız suçlama, qınamadır.
***
Qorxulanın varlığı – qorxağın cəzasıdır.
***
Qorxu mənəviyyat yaratmır, ona görə insana yaramır.
***
Qorxu – ruhun ölümüdür.
***
Mənəviyyat – mənliyə yiyələnməkdir, qorxu – mənliyi itirməkdir.
***
Mənliksizlik – iradəsizlikdir, qorxuya yenilməkdir.
***
Özünə özgəlikdən qurtulmayan – qorxudan qurtula bilməz!
