"Moderator olmaq istəyənlərin çox olmasına baxmayaraq, Rusiya daim Ermənistan-Azərbaycan nizamlanması ilə məşğuldur".
Modern.az "Sputnik Armenia"ya istinadən xəbər verir ki, bunu Rusiya XİN-in sözçüsü Mariya Zaxarova brifinq zamanı deyib.
"Moskva mütəmadi olaraq müxtəlif istiqamətlərdə işləyir: yüksək səviyyəli görüşlər keçirilir, Xarici İşlər Nazirliyi və məsələ ilə bağlı xüsusi nümayəndə çalışır", - o vurğulayıb.
"Lakin problem odur ki, bölgədə sülh və sabitlik istəməyənlər müdaxilə etməyə çalışırlar. Moskva bundan sonra da ilk növbədə diplomatik vasitələrlə hərəkət edəcək", - Zaxarova əlavə edib.
