Türkiyədə "Millət İttifaqı"na daxil olan və Cümhuriyyət Xalq Partiyasının (CHP) proporsional siyahısından parlament seçkilərinə qatılan Gələcək, Səadət və DEVA Partiyaları birgə fraksiya yaradacaqlar.
Modern.az Türkiyə mətbuatına istinadən xəbər verir ki, partiya sədrləri Ahmet Davutoğlu, Temel Karamollaoğlu və Ali Babacan bu barədə razılığa gəliblər.
Yaxın vaxtlarda CHP fraksiyasından istefa verən 3 partiyanın deputatları yeni parlament fraksiyasında birləşəcəklər.
Qeyd edək ki, Gələcək və Səadət Partiyalarının hər biri 10, DEVA Partiyası isə 15 mandat əldə edib.
