Azərbaycandakı oxşarlar... Onlar sizi də çaşdıra bilərlər? - FOTOLAR | Modern.az

Modern.az saytı Azərbaycandakı oxşarlarla bağlı təqdimatları “Oxşarlar" layihəsində davam etdirir. Azərbaycanda oxşarlar çoxdur. Onlar arasında tanınmışlar da var, adi vətəndaşlar da. İctimai-siyasi, mədəniyyət sahəsində, mediada tez-tez görüb, danışığını eşitdiyimiz şəxslər arasında da oxşarlar az deyil.

Milli Məclisin deputatı, Bütöv Azərbaycan Xalq Cəbhəsi Partiyasının (BAXCP) sədri Qüdrət Həsənquliyevi ictimai-siyasi prosesləri az-çox izləyənlərin hamısı tanıyır. Vaxtilə sağçı müxalifət olmuş Qüdrət bəy indi mərkəzçi mövqedə təmsil olunan siyasətçilər sırasına daxildir.
2003-cü və 2008-ci illərdə Azərbaycanda keçirilmiş prezident seçkilərinə namizədlərdən biri kimi qatılan Həsənquliyev builki seçkilərdə də namizəd olmaq haqqında düşünür.

Biz bu dəfə onun oxşarını təqdim edirik. Baxıb, onların bənzərliklərini müqayisə edə bilərsiniz.
Qüdrət Həsənquliyevin Azərbaycandakı oxşarı da əvvəllər seçki proseslərinin aktiv iştirakçısı olmuş, indi isə gömrük orqanlarında çalışan tanınmış simadır. Söhbət Dövlət Gömrük Komitəsinin idarə rəisi, gömrük xidməti general-mayoru İqbal Babayevdən gedir.
2009-cu ildə Azərbaycan Milli Aviasiya Akademiyasında texnika elmləri doktoru elmi dərəcələri almış İqbal Babayev  1992-2000-ci illərdə Tələbə Qəbulu üzrə Dövlət Komissiyasında şöbə müdiri, 2000-2008-ci illərdə Azərbaycan Respublikası Mərkəzi Seçki Komissiyasının nəzdində “Seçkilər” İnformasiya Mərkəzinin direktoru; vəzifələrində çalışıb.
2008-ci ildən isə Dövlət Gömrük Komitəsində işə keçib. 6 monoqrafiyanın və 100-ə yaxın elmi məqalənin müəllifi olan İqbal müəllim Gömrük Komitəsində Statistika və İnformasiya Texnologiyaları Baş İdarəsinin rəisi vəzifəsində işləyir.

Diqqətlə baxanda Qüdrət Həsənquliyevlə İqbal Babayevin xarici görünüşündə, sifət cizgilərində, saç düzümündə müəyyən oxşarlığı görmək mümkündür.

Aşağıdakı şəkilə siz də diqqətlə baxın, necə düşünürsünüz, onları oxşarlar kimi təqdim etməkdə səhv etmirik ki…?

A.Qorxmaz

Azərbaycandakı oxşarlar - XXV... Onlar sizi də çaşdıra bilərlər -FOTOLAR
//modern.az/articles/41565/1/